এই পৃষ্ঠাটোৰ বৈধকৰণ হৈছে
৭০
বৈদেহী-বিচ্ছেদ ৷
(হনুমানৰ প্ৰস্থান, ইত্যৱসৰে সুগ্ৰীৱৰ সিংহনাদ আৰু সৈন্যৰ ৰণ বাদ্য ধ্বনি)
(সুগ্ৰীৱৰ সিংহনাদ।)
ক’ত ৰঘুকুল অৰি, ভীৰু পলাতক!
আহ, আহ, ৰণক্ষেত্ৰে, অশ্বসমে।
অতীতৰ অনুতাপ কৰ,
ক্ষমা মাগি দয়ালু ৰাঘৱ পদে।
( লৱকুশৰ প্ৰবেশ। )
লৱ—ভাই কুশি, এই বাৰ চা। হে প্ৰভু! গোটইখন ভৰি
- আহিছে।
( লৱ আরু কুশৰ সশস্ত্ৰে গীত। )
জলধি সদৃশ হেৰা, হে নয়নে;
হেৰা হেৰা বিশ্ববাসী, হেৰা সঘনে।
ৰাক্ষস বানৰ নৰ, ঘোৰা হাতী ৰথে,
পদাতিৰ পদভৰে বসুমতী ত্ৰাসে।
কুশ—অ, ককাইদেউ, সৌৱা দেখোঁ কোনোবাই আমাৰ ঘোৰা
- মোকোলাইছে গৈ।
লৱ—আহ, আহ, আহ। ( লৰালৰিকৈ নিষ্ক্ৰমণ)
(হনুৰ প্ৰবেশ।)
হনু—প্ৰভু!( হেঁফাই ফোপাই) ক'ৰবাৰ ল'ৰা এহাল গৈ ঘোৰা
- মোকোলাবলৈ নিষেধ কৰিলে। যদি প্ৰভুৰ আদেশ হয়,
- তেন্তে মোৰ লগত যোৱা কেইজনক বলেৰে মোকো-
- লাই আনিবলৈ কৈ দিওঁ।
