এই পৃষ্ঠাটোৰ বৈধকৰণ হৈছে
৫
বৈদেহী-বিচ্ছেদ।
প্ৰেমিকৰ প্ৰেম পৰশনে,
পৰশি জ্যোতিৰ এনে সুকঠিন দেহ,
অৱশ্যেই কষ্ট বোধ কৰিছে মনত।
ইচ্ছা হয় মোৰ,
লভি যেন দেৱ বৰ,
যূতিৰ পাহিটি যেন,
কৰি দিম আৰু সুকোমল।
(প্ৰস্থান)
⸻
(হাতত এচাৰি লৈ গীত গাই গাই দুটি লৰাৰ প্ৰবেশ।)
গীত।
হাবি লৈ যাবি,
টেঁটোৰ চিঙ্গি খাবি,
গৰুক দিবি দাবি,
কল চিঙ্গি ল’বি
ৰাণীক পিন্ধাবি,
কলা দুটি পাবি,
তাকেই মজাকৈ,
সাঁজত ঘৰলৈ গৈ
জুহালত বহি বহি খাবি-
ঘূৰি আহ, ঘূৰি আহ (প্ৰস্থান)।
