এই পৃষ্ঠাটোৰ বৈধকৰণ হৈছে
বেজবৰুৱা বংশাৱলী
জগন্নাথ সুত সৰ্ব্বগুণ যুত
নাম বিষ্ণু শ্ৰেষ্ঠতম।
তাৰ তিনি সুত হৰিৰাম জোষ্ঠ
নৰহৰি যে মধ্যম॥
কনিষ্ঠ তনয় ৰামহৰি কয়
পুত্ৰ তাৰ টুনিৰাম।
দুহিতা দুতৰ ভদ্ৰী নাম হয়
জেউতী কনিষ্ঠা নাম॥
দিগম্বৰ দুৰ্গা বিবাহিলা ভদ্ৰা
কনিষ্ঠাক আত্মাৰাম।
টুনিৰ অপৰ নাম টঙ্কেশ্বৰ
কেৰা ডেকা লোকে বোলে।
তিনি পুত্ৰ তাৰ পঞ্চ কন্যা আৰ
তাৰ পত্নী প্ৰসবিলে॥
জোষ্ঠ দুৰ্গেশ্বৰ ৰেটনাথ পৰ
জয়কৃষ্ণ অনন্তৰ।
দুৰ্গেশ্বৰ পুত্ৰ জগন্নাথ তত্ৰ
তাৰিণী দুহিতা বৰ॥
আৰ চাৰিজন আছয় সন্তান
বালক অৱস্থা আছে।
ভূধৰ উকিল পুত্ৰে বিবাহিলে
তাৰিণী কন্যাক পাছে॥
