এই পৃষ্ঠাটোৰ বৈধকৰণ হৈছে
৫৬
বেজবৰুৱা বংশাৱলী
ৰাজ দৰ্ব্বাৰত, পৰম যুগুত,
কৰ্ম্ম কাৰ্য্য পায়া ৰৈল॥
বিবাহিলা কন্যা সতী দুইজনা,
গুণগণে নিৰুপমা।
যিটো বৰগুৰি, বৰগুৰি অতি
মহন্ত যাহাৰ নাম॥
তান সুতা তয় নাম চন্দ্ৰী কয়,
আছে মহাসুখ ভোগে।
তান সুত দুই অতি শোভনয়,
ৰূপে গুণে মহাভাগ॥
চন্দ্ৰনাথ শ্ৰেষ্ঠ, ৰূপত গৰীষ্ঠ,
ছোট লক্ষ্মীনাথ নাম।
তাহাৰাৰ অগ্ৰে পাছত জানিতা
কন্যা দুই নিৰুপম॥
প্ৰথম ভাৰ্য্যাৰ, পৰিচয় কৈলোঁ
এহিমানে পৰিহাৰ।
ছাগলি কটীয়া, মহাজন সুতা,
বিবাহিলা দ্বিতীবাৰ॥
নামে দুৰ্গীবাই, অতি শুভনয়,
তান ভৈল কন্যা দুই।
ভনে মূঢ়মতি, দুলড়ি সম্প্ৰতি,
শুনি কৰা ভাগ্যোদয়॥
