এই পৃষ্ঠাটোৰ বৈধকৰণ হৈছে
৩৭
বেজবৰুৱা বংশাৱলী
পুত্ৰ এক হৈয়া সুখে আছয় সম্প্ৰতি।
জেঠাই সবৰ কথা কহিবোঁ অহিতি॥
বিশেষত সবাৰ অগ্ৰজ মহাসতী
সুলোচনা নাম তেহোঁ আচয় সম্প্ৰতি॥
শিতলৰ উপাধ্যায় দ্বিজ মহাশয়।
কামদেৱ উপাধ্য়ায় যাক নাম কয়॥
তেহোঁ বিবাহিয়া চাৰি পুত্ৰ উপাৰ্জ্জিলা।
দুতয় আচয় দুইজন মৰি গৈলা॥
জ্যেষ্ঠজন যোগদেৱ নাম উপাধ্যায়।
বিশেষ পণ্ডিত জানা সৰ্ব্বজনে কয়॥
তান সুত কথা পূৰ্ব্বে আছোহোঁ কহিয়া।
পুত্ৰ দুইৰ বিবৰণ কহিবোঁ দেখিয়া॥
ধৰ্ম্মী পতিহীনা হৈয়া আছয় সম্প্ৰতি।
গৌৰাঙ্গ মহন্ত স্থানে পৰিলন্ত ৰত্নী॥
সিটো উপাধ্যায় অতিমাত্ৰক সাদৰী।
ভ্ৰাতৃ ভৱনাথ সমে আছে প্ৰীতি কৰি॥
এই বৰ জেঠাইৰ কহিলোঁ প্ৰকাশি।
আৱৰ সবৰ সবান্ধৱ গৈল নাশি॥
কিন্তু যে দুলালী নাম জেঠাই সুশীলা।
মায়াৰাম বৰুৱায়ে বিবাহ কৰিলা॥
তাত হন্তে ৰামী যে ভগনা কন্য়া ভৈলা।
ভগনীক ৰাম কটকিয়ে বিবাহিলা॥
