এই পৃষ্ঠাটোৰ বৈধকৰণ হৈছে
৩২
বিৰাট পৰ্ব্ব।
ৰত্নৰ মুকুট সমে বান্ধিয়োক কেশ।
বিচিত্ৰ কান পিন্ধা কবচ বিশেষ॥৩০৬
বৃদ্ধ ভৈলো সুখ ভোগ নালাগে আমাক।
মোৰ নগৰিক পালি সুখে থাকিয়োক॥৩০৭
অৰ্জ্জুনে বোলন্ত নৃপতিৰ জয় হোক।
ৰূপৰ কাহিনি মোৰ বাঢ়ি যাই শোক॥৩০৮
গুৱামালী নুফুলে কি নুফলে মন্দাৰ।
নোহো নাৰী পুৰুষ লক্ষণ ৰূপে ভাৰ॥৩০৯
পিতৃ মাতৃ নাই মই বৰ নিমাষিতি।
তোমাৰ থানক লাগি আসিলো সম্প্ৰতি॥৩১০
নৃত্যত গীতত আমি বৰহি কুশলা।
নৃত্যৰ লক্ষণ জানো নাম বৃহন্নলা॥৩১১
তোমাৰ দুহিতা অছৈ উত্তৰ কুমাৰী।
নৃত্য গীত তাহাঙ্ক শিখাইবো ভাল কৰি॥৩১২
ৰাজাৰ অন্তেশ পুৰে নাছো সৰ্ব্বকাল।
পুত্ৰ বা জিয় বা বুলি কৰা প্ৰতিপাল॥৩১৩
বিৰাট বোলন্ত মোৰ শিখায়ো কুমাৰী।
তাৰা সখিগণকো শিখাইয়ো ভাল কৰি॥৩১৪
তোমাক কৰাইয়ো কৰ্ম্ম নুৰুচয় চিত্ত।
সাগৰ সীমায়ে তব ৰাজ্যক উচিত॥৩১৫
