এই পৃষ্ঠাটোৰ মুদ্ৰণ সংশোধন কৰা হৈছে
৩৪ বিপ্লবী
⸻⸻⸻⸻⸻⸻⸻⸻⸻⸻
মৰণ নেউচি গ’লা লক্ষ্য স্থানলই।
বাধা দি ৰাখিব কোনে
উদগীৰণ আগ্নেয়গিৰিৰ!
তােমালােকৰেই স্মৃতি ল’ই অন্তৰত
হ’ল অগ্রসৰ।
স্বাধীনতাকামী।
জাগ্ৰত ভাৰত-বাসী ;
বন্দুকক, সঙ্গীনক নেউচি পেলাই ;
জয়ী হই ছিঙি দিলে
জননীৰ সুদৃঢ় শৃঙ্খল!
বিপ্লবীৰ দল!
যদিওবা শেষ হ’ল পার্থিব জীৱন,
আঁৰ হ’লা চাক্ষুস দৃষ্টিৰ,
তথাপিও সিদিনাৰ সেই মধু স্মৃতি
ৰ’ব হ’ই যাউতিযুগীয়া ;
ৰ’ই যাৰ বুৰঞ্জীত সােণালী আখৰে
মুক্তিৰ আমােঘ মন্ত্র
ৰ’ই যাব তৰুণৰ তৰুণ হিয়াত।
সেই বাবে হ’ই নতশিৰ।
কৰোঁ নিবেদন
অনুৰক্ত হৃদয়ৰ শ্ৰদ্ধাৰ অঞ্জলি।
⸻⸻
