এই পৃষ্ঠাটোৰ বৈধকৰণ হৈছে
(৩৯)
শুনা সবে তাত পাছে যেন কথা ভৈলা।
সেহিবেলা মহাৰাজ গৃহে চলি গৈলা।
হলধৰ সবে তাত হাল বাহি আছে।
এক মহা অদভূত দেখিলন্ত পাছে॥
চমৎকাৰ সফুৰা এক উপজিলা।
হলধৰ গণে দেখি কম্পিবে লাগিলা॥
সবে বোলে ইটো মহা অদভূত ভৈলা।
চক্ষুত পৰিয়া ৰস্মি বিমূৰ্চ্চিত ভৈলা॥
সবে বোলে চাই ভাই চাহ সৰ্ব্বজন।
অগণি সদৃশ দেখি তাহাৰ বৰণ॥
সবে বোলে সিৰলত উপজিল ৰত্ন।
ধৰো ধৰো কহি সবে কৰিলন্ত যত্ন॥
কিবা বস্তু আছে তাত মনতে বিচাৰি।
তাক ধৰিলওঁ বুলি সবেগৈলা লৰি॥
সন্নিত চাপিয়া সবে ধৰিবাক চান্ত।
লাগ নেদি সফুৰাও দূৰক পলান্ত॥
দেখি হলধৰ গণে মহাভয় ভৈলা।
জনক ৰাজাৰ আগে কহিবাক গৈলা॥
পন্থ চেৰাই দুয়ো যাই লৰালৰি কৰি।
তেতিক্ষণে পাইলা যাই মিথিলা নগৰী
সমজ্যা সহিতে বসি আছে মহাৰাই।
সেহি সময়তে দুয়ো পাইলেক যাই॥
