এই পৃষ্ঠাটোৰ বৈধকৰণ হৈছে
৩৬
অধম পাপীষ্ঠ তই জোঙ্কাইলি মোক।
তাৰ ফল দিয়ো সাক্ষী হুইবা দেৱলোক॥
মোহোৰ নিমিত্তে তোৰ দশকন্ধ পাত।
সবান্ধবে পৰিবাৰ হৈবেক বিঘাত॥
মোহোৰ নিমিত্তে ছয় লঙ্কা ৰাজ্যখান।
একে তোৰ ভাই মাত্ৰ ৰৈবে বিভীষণ॥
এহি বুলি শান্তী পাছে স্নানক কৰিলা।
তীৰে উঠি কাষ্ঠ আনি অগ্নিক জালিলা॥
পিতৃ মাতৃ গুৰু দেব স্বামী চিন্তি মনে।
তাতে দেহা ত্যজিলন্ত কম্পিয়া তেখনে॥
তাক দেখি ৰাৱণৰ তনু ভয়ে ভীত।
আথে বেথে অগণিক নুমাইলা তাত॥
বিচাৰি চাহিয়া দেখে আছে ডিম্ব এক।
তাক লৈয়া দশগ্ৰীবে গৃহক গৈলেক॥
সুবৰ্ণৰ সঁফুৰা বান্ধি শয়নৰ ঘৰে।
মহাযত্ন কৰিয়া থৈলেক লঙ্কেশ্বৰে॥
মন্দোদৰী দেখি পাছে স্বামীত সোধন্ত।
ভাল-মন্দ কিছু তান্ত নেদিলে সিদ্ধান্ত॥
এহিমতে কতো দিন আছে জগমাৱ।
ডিম্বাগুটি তৈলা পাছে কন্যাৰ স্বভাব।
একদিনা ৰজা পাছে মৃগয়াক গৈলা
দেখি মন্দোদৰী বৰ আনন্দ লভিলা॥
