পৃষ্ঠা:বাৰাহ-চৰিত্ৰ.djvu/২৬

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
২২

সেহিবেলা বিশ্বকৰ্ম্ম ৰয় সমন্নিতে।
পৰম আনন্দে দুয়ো মিলিলা তহিতে॥
প্ৰণমিলা বাৰাহ হৰক দুয়োজনে।
দেখি দুয়োক দুই অতি আছে ৰঙ্গমনে॥
বিমানত থাকি চাহি আছে দেৱগণে।
সৰোবৰ তীৰত বসিয়া ৰঙ্গ মনে॥
পাছে হৰে ময় দানৱক বুলিলন্ত।
নিয়ো কন্যা খানী গৌৰী হন্তে জন্মিলন্ত॥
প্ৰতিপালি বিবাহ দিবাহ ভাল চাই।
সৰ্ব্ব গুণৱতী কন্যা ৰূপে সীমা নাই॥
বাৰাহে বুলিলা বিশ্বকৰ্মাৰ আগত।
ইটো কন্যা - খানী নিয়া গিৰী হিমৱন্ত॥
যাৱত নধৰে অৱতাৰ ৰাম হৰি।
তাৱদেকে থাকিবেক কন্যা তপ কৰি॥
হেন শুনি ৰঙ্গ ভৈলা দুহান্তৰে মন।
বাৰাহ হৰৰ বাক্যে লৈলা তেতিক্ষণ॥
হৰক গৌৰীক ময়ে প্ৰণাম কৰিলা।
পাচে বিশ্বকৰ্ম্মে যজ্ঞ পৃথিবী নমিলা॥
চাৰিতো বিদায় কৰি যাই দুয়ো চলি।
পৰম আনন্দে যাই ভাল পালো বুলি॥
আনন্দতে পাইলে ভাল পালো বুলি।
দেখি সোধা সুধি কৰে যত নৰনাৰী॥