এই পৃষ্ঠাটোৰ বৈধকৰণ হৈছে
১৭
বব্ৰুবাহ পৰ্ব্ব
অৰ্জ্জুনে বোলয় দূৰ পাপিষ্ঠ দুৰ্জ্জন।
কেনমতে ভৈলি তই মোহোৰ নন্দন॥৭৪
কোনোবা বেশ্যাৰ পুত্ৰ কোনে জানে তোক।
নিচিনি নজানি কোনে বাপ বোল মোক॥
আগেসে মনুষ্যে লৱে ভয়ক্ষয় কৰি।
ছাগ বুলি বাঘৰ লাঞ্জত দেই জৰী॥৭৫
ভয়তে মনুষ্যে নেৰে পাচে নেৰে বাঘে।
তোৰ মোৰ পটন্তৰ ভৈল সেহি ভাগে॥
সমব ভূমিত দুৰণত ৰণ গাৱে।
সকল কটক সাজি আসে সেহি ভাৱে॥৭৬
কি কাৰণে ধন ধান্যে আনি দিলি হয়।
নহয় ক্ষত্ৰিয় জন্ম বেশ্যাৰ তনয়॥
সিসে মোৰ পুত্ৰ অভিমন্যু যাৰ নাম।
সুভদ্ৰাৰ গৰ্ভত তাহান ভৈল জন্ম॥৭৭
হৰিৰ মোহোৰ নৃপতিৰো প্ৰিয়কৰ॥
অল্পকালে অভিমন্যু গৈল যমঘৰ॥
দ্ৰোণ প্ৰতিমুখ্যে কৌৰৱৰ বীৰ যত।
চক্ৰবেহু যাৰ আগে ভৈল তৃণৱৎ॥৭৮
যুধিষ্ঠিৰ ৰাজাক সমৰে ৰক্ষা কৰি।
সিহেন তনয় অল্পকালে গৈল মৰি॥
সিসে সিংহ সম পুত্ৰ আছিল ছৱাল।
তাহাৰ আগত তই অধম ছাগল॥৭৯
২
