এই পৃষ্ঠাটোৰ বৈধকৰণ হৈছে
ফুলৰ চানেকি।
৯৭৫
বিজুলী।
চমকে ৰেখাটি মাথোঁ দুৰ-দূৰণিত,
জগত জিলিকি উঠে;
মুহুৰ্ত্তে বিয়াপি যায় কুশল পোহৰ,
অপায় নাথাকে মুঠে।
দেৱতা-বিহাৰ মাৰ্গ স্বৰ্গত ওপৰে,
তলত পৃথিবী নৰ;
মাজতে ডাৱৰ পাতি ভুমুকনি মৰা
বিজুলী-বসতি-ঘৰ।
নৰৰ অসাধ্য যিবা, সাধে পচাৰতে
দিব্যজ্ঞানজ্য়োতি মেলি,
ৰক্ষা কৰে মৰ্ত্যলোক পথ পোহৰাই,
আন্ধাৰ অপায় ঠেলি।
অযুত যোজন জুৰি ছিগা ব্যৱধান
বিজুলী শক্তিৰ কলে
নিমিষে চপাই ধৰে,—বাতৰি বেশেৰে—
নোকোৱা কথাৰ ছলে।
