এই পৃষ্ঠাটোৰ বৈধকৰণ হৈছে
॥ প্ৰগতিৰ গান॥
(৪২)
কান্দা লক্ষ্মীনাথ হিয়া ধুলি ধুলি
অসমীৰ মুখলৈ চাই
তোমাৰে জীউলাউ অসমীয়া জাতি
আজি মৰোঁ মৰোঁ হায়।
তাকেহে ভাবি মোৰ মন ভাঙি পৰে
বুকু বেদনাৰে ভৰে
আই অসমীৰে দুচকুৰে আজি
দুধাৰি চকুলো সৰে।
আকাশ বতাহ আজি উদাস উদাস লাগিছে
গছে বনে মনে মনে কিনো কথা শুনিছে
উদাস উদাস লাগিছে॥
০ ০ ০
আজি বিহুতলীয়ে কি যে ৰূপ ধৰিছে।
অসমীয়া জাতিয়ে কি যে ৰূপ ধৰিছে।
অসমীৰ ঘৰতে বিহুৱা আবেশে
দুখেৰে বিদায় মাগিছে॥
০ ০ ০
আই অসমীৰে জাতি-উপজাতি
আই ভাৰতীৰে জাতি-উপজাতি
বিহুতলীত আজি মিলিছে যে আহি
অসমীৰ চোতালত
ৰঙৰে মেলা বহিছে॥
[৫৭]