এই পৃষ্ঠাটোৰ বৈধকৰণ হৈছে
॥ প্ৰগতিৰ গান॥
(৩৬)
ৰসৰাজৰ স্মিৰিতিৰে
হলোঁ আমি জলমল।
হিয়াত আজি পুলক জাগিল
ৰং উলাহৰ নামিল ধল
জোনাকী যুগৰ ছবিটি আহিল
হিয়ামন উখল-মাখল॥
০ ০ ০
চন্দ্ৰকুমাৰে কবিতা লিখিলে
নৱ ছন্দে লগালে ৰং
হেম গোসায়ে প্ৰবন্ধ ৰচিলে
মাজে মাজে বুৰঞ্জী হ’ল
ভাষা যজ্ঞৰ মহান বেদীত
লক্ষ্মীনাথো পূজাৰী হ’ল
ত্ৰি মুৰুতিৰ মিলন ঘটিল
জোনাকী যুগৰ সূচনা হ’ল॥
০ ০ ০
দূৰ সুদূৰৰ বিদেশী মজিয়াত
ভাষা যুঁজৰ সূচনা হ’ল
আমাৰ আপোন ৰসৰাজ
সেই যুঁজতে বিজয়ী হ’ল
অসম আকাশ মুকলি হ’ল॥
[৪৯]
