এই পৃষ্ঠাটোৰ বৈধকৰণ হৈছে
॥ প্ৰগতিৰ গান॥
(৩৩)
নৱবৰষত উলাহেৰে গোৱা
জীৱনৰ জয়গান
হাঁহিমুখে লোৱা বিজয় কৱচ
চেনেহৰ বিহুৱান॥
০ ০ ০
যুগৰ এন্ধাৰ আঁতৰাই আজি
সমাজ আগুৱায়
নতুন দিনৰ সংস্কৃতি
উঠে জিলমিলাই
আজি নানা জাতিৰ ৰঙ্গভূমি
ৰং বিৰঙৰ বিহুতলীত
ৰজনজনাই উঠিছে বাজি
সমন্বয়ৰ গান॥
০ ০ ০
বিহুৰ বৈজয়ন্তী তলত
কৰোঁ আমি পণ
গগণচুম্বী উদাৰ অসীম
হ’ক আমাৰ মন
বিশাল মনৰ পৰিধিৰে
বিশাল বিশ্বক আকোঁৱালি।
গাওঁ প্ৰগতিৰ গান॥
⸺
[৪৬]
