এই পৃষ্ঠাটোৰ বৈধকৰণ হৈছে
বৰ্ত্তমান আৰু অতীত।
( ১ )
শান্তিৰ কোলাত বহি সানন্দে এদিন,
দেখিছিলোঁ দিব্য এক সুখৰ সপোন।
সুখ-সৰসত মগ্ন থাকি একদিন,
চাইছিলোঁ উলাহতে সন্তোষ দাপোন।
( ২ )
দিব্য ভাবে মন সদা আছিল নিবিষ্ট,
সদালাপে অহৰ্নিশি কাটিছিলোঁ কাল।
সজ বাটে ফুৰি সাধিছিলোঁ নিজ ইষ্ট,
সাধুসঙ্গ এক মাথোঁ লাগিছিল ভাল।
( ৩ )
‘আমাৰ’ ‘তোমাৰ’ ভাব নাছিল মনত,
ভাবিছিলোঁ সকলোকে সম-ভাব-প্ৰাণ।
জানিছিলোঁ প্ৰেম-প্ৰীতি পূৰ্ণ ইজগত,
বাজিছিল শ্ৰৱণত স্বৰ্গৰ তান।
(8)
নৱবলে বলীয়ান্ থাকি সদা মই,
নিনিছিলোঁ অবাৱত এক্ষন্তেকো পৰ।
দেখিছিলোঁ দূৰ ভাগ্য দিব্য জ্যোতিৰ্ম্ময়,
উন্নতি সৌভাগ্য-আশা মৰ-জীৱনৰ।
