এই পৃষ্ঠাটোৰ বৈধকৰণ হৈছে
২৭
পদ্যাৱলী।
( ৬ )
“সাগৰ উত্তৰি চোৱা ডিউক উইল্যাম্
সঙ্গে কৰি অগণন, সুনিপুণ বীৰগণ,
আহিছে পৰাজি মোক কৰি ঘোৰ ৰণ,
লভিব উৎসাহে ইংলণ্ডৰ সিংহাসন।”
( ৭ )
“আহক আহিছে তাত নাই কোনো ভয়;
আক্ৰমোক আমাসবে, যুজোক বিজয় ৰবে,
নহবা চঞ্চলমতি ভাবি পৰাজয়,
এয়ে অনুৰোধ মোৰ, শুনা বীৰচয়।”
( ৮ )
“নৰ্ম্মাণৰ অশ্বাৰোহী সাহীয়ালবৰ,
যাতে এই সৈন্যদল, নাপায় সুবিধা বল,
ইহেতু প্ৰাণান্তে নেৰি পাৰ্ব্বতীয় থল,
থাকিবা নিশ্চলভাবে, দেখিবা সুফল।”
( ৯ )
ইংৰাজ সেনানী সবে ৰাজোৎসাহ পাই,
খাকি শান্ত ভাব ধৰি, সুযোগ অপেক্ষা কৰি,
হাতত পৰশু লৈ ভাগ্যক ধিয়াই,
গালে যুদ্ধ জয় গীত টেল্হাম্ কঁপাই।
৩