এই পৃষ্ঠাটোৰ বৈধকৰণ হৈছে
অধিক লোভৰ কুফল।
এখান দোকানত মৌৰ কলহ এটা লুটি খাই পৰি আছিল। তাতে চাৰিওফালে মৌ বিয়পি যোৱাত মৌৰ গোন্ধ পাই জাঁকে জাঁকে মাখি আহি মৌ খাবলৈ ধৰিলে। একে ঠাইতে মৌ খাই থাকোঁতে সৰহকৈ মৌ বিয়পাত মাখিৰ গা লুতুৰি পুতুৰি হৈ মাখি তাৰ পৰা উৰি যাব নোৱাৰিলে। তেতিয়া সিহঁতে আপোনাকে আপুনি ধিক্কাৰ কৰি কলে “আমি কি নিৰ্ব্বোধ এই মৌৰ আশাত সকলোয়েই প্ৰাণ হেৰুৱালোঁ। আমি এই মধু খাবলৈ নহা হলে কিয় আমাৰ প্ৰাণ হেৰাবলৈ পায়। অলপ বস্তুৰ নিমিত্তে লোভ কৰা উচিত নহয়।”
⸻
