১। পাতনি।
আসামৰ দেশী ভাষাৰ নিচেই তলৰ খাপৰ পঢ়াশালিত চলাবৰ উপযোগী নীতি-বিষয়ক সাহিত্য-পুথিৰ অভাৱ দেখি, “চেম্বাৰ্চ মৰাল ক্লাচ বুক”ৰ (Chamber's Moral Class Book) আৰ্হিৰে “নীতিশিক্ষা” তিনি ছোৱা উলিয়াবলৈ কেতিয়াবাৰেপৰা আমাৰ সঙ্কল আছিল;—এয়ে তাৰ আদিছোৱা। পঢ়াশলীয়া পুথিৰ লিখাৰ ফালেও এয়ে আমাৰ প্ৰথম উদ্যম। এতেকে, ইয়াত যে অলেখ আসোঁৱাহ ওলাব তাক আগধৰি কৈ থোৱাই ভাল। গুণগ্ৰাহী ৰাইজে দোষ এৰি গুণ গ্ৰহণ কৰিলেই আমি আমাৰ শ্ৰম সাৰ্থক মানিম, আৰু বাকী দোছোৱা উলিয়াবলৈ উৎসাহিত হম। ইতি
বহাগ, ১৮১৯ শক। |
শ্ৰীপদ্মনাথ গোহাঁই বৰুৱা। |
⸻
২। পাতনি।
এই তাঙ্গৰণত ভালেমান লাগতিয়াল সালসলনি ঘটিছে। প্ৰথম তাঙ্গৰণৰ দোষাদোষ পাৰ্য্যমানে পৰিশোধন কৰি এইবাৰ ইয়াক তলৰ খাপৰ পঢ়াশালিৰ নিমিত্তে বেচি উপযোগী কৰা গৈছে। কিতাপখন এইবাৰ সচিত্ৰ কৰা গল; গতিকে ইয়াৰ বেচো চৰতীয়া এটি বাঢ়িল। ইতি
বহাগ, ১৮ ৪ শক। |
৩। পাতনি।
তৃতীয় তাঙ্গৰণত কিতাপৰ মূল বিষয়ৰ একো লৰচৰ ঘটোৱা নাই; মাথোন বৰ্ণাশুদ্ধি, আখৰজোঁটনি, ভাষাৰ প্ৰাঞ্জলতা ইত্যাদি বিষয়ত হাত ফুৰোৱা গৈছে। লৰা-ছোৱালীৰ মনৰোৱা কৰিবলৈ এই তাঙ্গৰণত গোটাদিয়েক ধুনীয়া ছবি বঢ়াই দি, কিতাপৰ ছপা আগতকৈ ধুনীয়া কৰা হৈছে। ইতি
বহাগ, ১৮৩৬ শক। |
⸻
