এই পৃষ্ঠাটোৰ বৈধকৰণ হৈছে
২২
নীতি-শিক্ষা
এনে কু-কাম আৰু নকৰোঁ বুলি সি শপত খালে। সঁচাকৈয়ে সেই দিনাৰপৰা লাহে লাহে নিধিৰামে আটাইবোৰ কু-কাম এৰি আহিলে; আৰু পাচত তেওঁ এটি বৰ সজ লৰা হৈ উঠিল।
⸻
পৰুৱা।
সৰু সৰু পৰুৱাই, লালী পাতি আগুৱায়,
কিবা অৰ্থে ফুৰে সি লৱৰি?
অহা আহে যোৱা যায়, এফেৰিকো নিজিৰায়,
সাধোঁতে আপোন কাম ফেৰি!
যদিবা অকণি প্ৰাণ, অকণি যদিবা জ্ঞান,
আছে তাৰো উদ্দেশ্য অকণি;
সামান্য পৰুৱা হই, ঈশ্বৰৰ আজ্ঞা লই,
সাধে তাক একোকে নগণি।
গজহস্তী বালিচাহী, সৰু-বৰ কত প্ৰাণী,
পৃথিবীত ধৰিছে জীৱন;
সকলোৰে আপোনাৰ, জীৱনত অধিকাৰ,
একেদৰে আছে দেহ-মন।
