পৃষ্ঠা:নিমি-নৱসিদ্ধ সংবাদ.djvu/৯৭

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
৯৫
নৱসিদ্ধ সংবাদ

পুত্ৰ বুদ্ধি গুছি  ভৈলেক কৃষ্ণত
 ঈশ্বৰ জ্ঞান বেকত।
শুক নিদগতি   নৃপতি শুনিলা
 পুণ্য কথা ইতিহাস।
শ্ৰৱণ কীৰ্ত্তন কৰে যিটো আক
 কৰিয়া দৃঢ় বিশ্বাস॥ ৪২১
এহি জনমতে গুছি মন মোহ
 হোৱয় ব্ৰহ্ম আপুনি।
পৰম আশ্চৰ্য্য   ভৈলা পৰীক্ষিত
 সিদ্ধৰ সম্বাদ শুনি॥
শুনা সভাসদ   ভাগৱত পদ
 নিশবদ হুয়া বহি।
নিমি নৱ সিদ্ধ  সংবাদ আন্তাইলা
 শুক মহামুনি কহি॥ ৪২২
ইটো ভাগৱত   সাত দিন শুনি
 পৰীক্ষিতে পাইলা সিদ্ধি।
হেন জানি যত্নে শুনিয়ো মহন্তে
 ইসে ভকতৰ নিধি॥
নমো নমো কৃষ্ণ  পদ-পঙ্কজক
 পাৱে পৰি প্ৰণিপাতে।
মূঢ় হুয়া প্ৰভু   কৰিলো পয়াৰ
 ছাড়িবা দোষ ইহাতে॥ ৪২৩
হৃদয়ে থাকিয়া   যি মোক শিখাইলা
 তাকেসে কহিলো মুখে।
যেন টাটকীয়া   দাৰু পুতলাক
 নচাৱে আপোন সুখে॥