পৃষ্ঠা:নিমি-নৱসিদ্ধ সংবাদ.djvu/৮০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৭৮
শ্ৰীশঙ্কৰ মহাভাগৱত

কলিত সম্প্ৰতি  নভৈল ভকতি
 নপাইলো সাধু সঙ্গতি।
মই দুৰ্ব্বিনয়  জানি কৃপাময়
 আপুনি কৰিয়ো গতি॥
তোমাৰ ভৃত্যৰ  ভৃত্যৰো ভৃত্যৰ
 তানে ভৃত্য ভৈলো আমি।
মোক জগন্নাথ  নকৰা অনাথ
 নেৰিবা বান্ধৱ স্বামী॥ ৩৩৯
নেড়ে মোৰ মুখে যেন সুখে দুখে
 সদায় তোমাৰ নাম।
হে কৃষ্ণ প্ৰাণ দিয়া এহি দান
 ডাকি বোলা ৰাম ৰাম॥

পদ

নিগদতি চমস শুনিয়ে নিমি কথা।
হৰি বিমুখৰ কহোঁ যেনয় অৱস্থা॥ ৩৪০
কৃষ্ণক নভজি মজি মৰে দুষ্ট চিত্ত।
সাঞ্চে মহা যাতনা আপুনি বিপৰীত॥
কৃষ্ণক বিমুখ মানে জানিবা আশয়।
বাঢ়ে লোভ জগতক দেখে ধনময়॥ ৩৪১