পৃষ্ঠা:নিমি-নৱসিদ্ধ সংবাদ.djvu/৭৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে


দুলড়ী

নমো নমো কৃষ্ণ চৰণ পঙ্কজ
 হৃদয় পদ্মত ধৰি।
মই মহাদীন মোক উদাসীন
 নকৰিবা প্ৰাণ হৰি॥ ৩৩৬
হে লক্ষ্মীপতি মহা মূঢ় মতি
 মোত পৰে নাহি আন।
তোমাৰ চৰণ তেজি পাপী মন
 ধনকেসে কৰে ধ্যান।
ই জন্মত বাপ  নেৰাইলো সন্তাপ
 ভাৰত বৰিষ পায়া॥
কৈত কাল চোৰে প্ৰাণ নেই মোৰে
 পৰিবে মনুষ্য কায়া॥ ৩৩৭
তেজিয়া সকলে  চলিবো একলে
 দুৰ্ঘোৰ যম কৰণে।
জানিয়া তথাপি নভজো অদ্যাপি
 অভয় তযু চৰণে॥
যতেক পঢ়িয়া  জানিয়া শুনিয়া
 স্থিৰ নোহে মতি মোৰ।
ব্যৰ্থে গৈল জন্ম কৰিছো পৰম
 কতনো পাতক ঘোৰ॥ ৩৩৮