এই পৃষ্ঠাটোৰ বৈধকৰণ হৈছে
দুলড়ি
প্ৰবুদ্ধ বদতি নিমি নৰপতি
শুনিয়োক মহাৰথ।
তোমাৰ আগত কৰিবো বেকত
পৰম সুগম পথ॥
কৃষ্ণকেসে আত্মা ঈশ্বৰ বুলিয়া
ধৰিছে যিটো ভকতে।
তাহাঙ্ক পৰম বান্ধৱ বুলিয়া
মানিবে মনে সততে॥ ১৫৭
তাহান সহিতে কৰি এক প্ৰীতি
বসিয়া একত্ৰ সঙ্গে।
কৰিব আলাপ তেজিব সন্তাপ
গাইব হৰি গুণ ৰঙ্গে॥
মাধৱৰ জন্ম গুণ নাম কৰ্ম
নেৰিব আক সঘনে।
কতোহো শুনিব কীৰ্ত্তন কৰিব
স্মৰিব কতোহো মনে॥ ১৫৮
কৃষ্ণৰ চৰিত্ৰ পৰম পবিত্ৰ
হেনয় মানিয়া মনে।
তাহাকে কথিব তাহাকে মৰ্থিব
অন্যো অঙ্গে সৰ্ব্বক্ষণে॥
