পৃষ্ঠা:নিমি-নৱসিদ্ধ সংবাদ.djvu/১৯

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
১৭
নৱসিদ্ধ সংবাদ

শুনা সভাসদ লোক কলিত সদ্গতি হৌক
 কৃষ্ণৰ কথাত দিয়া চিত্ত।
পৰম অমৃত ৰস  মাধৱৰ নাম যশ
 জানা ইসে পৰলোক বিত্ত॥
পুত্ৰ দাৰা গৃহ বাস  মিছা আত অভিলাষ
 সবে সপোনৰ নিধি প্ৰায়।
যত দেখা ধন ধান  যাইবে যেতিক্ষণে প্ৰাণ
 সঙ্গে এক ৰতিও নযায়॥ ৬৮
শৰীৰো থাকিবে পৰি  একলেসে যাইবা লৰি
 বিষম যাতনা যম ঘৰে।
গুণি চোৱা স্থিৰ মতি  কৃষ্ণ বিনে নাই গতি
 লৈয়ো তান্ত শৰণ সত্বৰে।
যাৰ নাম শুনি ডৰি  কাম্পে মৃত্যু থৰ থৰি
 সুখে দুখে ধৰা তান নাম!
অদ্যাপি নুগুণা মনে  কৃষ্ণৰ কিঙ্কৰে ভণে
 নিৰন্তৰে বোলা ৰাম ৰাম॥৬৯

——

পদ

কবি নিগদতি শুনা নিমি মহাশয়।
হেনবা কৰিবা ৰাজা মনত সংশয়॥
যিটো মহা যোগী সদা সমাধিত ৰতি।
কোটি জন্মে নুহি তাৰ সপ্ৰেম ভকতি॥৭০