এই পৃষ্ঠাটোৰ বৈধকৰণ হৈছে
৮১
বিদেশী ৷
ভাবৰ ভাষা।
মুখৰ মাতেৰে তুমি নোৱাৰা বুজাব
সৰল চেনেহ হৃদয়ৰ,
যাক তুমি ভালপোৱা তাক কেতিয়াও
একো কথা নক’বা মুখৰ।
প্ৰণয়ৰ ভাষা, তাৰ বেলেগ গঠন
কথা ৰূপ আকৃতি নলয়,
হুমুনিয়া’ একোটিয়ে অসাধ্য সাধিব,
সাতকাণ্ড ৰামায়ণ কয়।
জিভাৰ আশয় পোৱা অতি টান কাম
কিবা ক’বা কিবা হই যায়,
ভাবৰ বিকাশ হ’লে ঠাৰ-চিয়াৰত
ঠিক ভাব ঠিকে ঠিকে পায়৷
⸻
বিদেশী।
গুচি গ'লা বাটে বাটে চকু-পানী টুকি,
উলটিলোঁ ময়ো সেইদৰে;
আকৌ দুইৰো দেখা হ’ব কেতিয়াবা
তেনে আশা মনেও নকৰে।
৬
