এই পৃষ্ঠাটোৰ বৈধকৰণ হৈছে
৬৫
টোপনি ৷
গীত মাত ভাল শুনি নিশাৰ কালত,
ৰঙ্গ ধেমালিও লাগে ভাল,
সকলোৱে শান্তি পায় নিৰলে জিৰায়,
প্ৰকৃতিও নিমাত নিটাল।
নিচেই আজলি নিশা একোকে নেজানে,
সকলোৰে সুখৰ আলয়,
নহলেনো পাৰে জানো পাপবিলাকেও,
লাই পাব, নেপালে আশয়?
———
টোপনি।
তোমাক লগ পালে একোকে নেলাগে,
ধন বস্তু সকলো পাহৰে,
জীৱনৰ ভাব চিন্তা সকলোকে এৰি
তোমাকে সাবট মাৰি ধৰে।
সকলো সম্পত্তি যদি লোকে লৈ যায়
তাল’কো নকৰে একো কাণ,
ঘাতুকে মাৰেহি যদি শেষৰ আঘাত
বিবাদ নকৰি এৰে প্ৰাণ।
৫
