এই পৃষ্ঠাটোৰ বৈধকৰণ হৈছে
৬২
নিবেদন।
প্ৰথমে মনৰ হয় যেতিয়া সলনি
এইবোৰ দিছিলোঁ উৰাই,
ভাবিছিলোঁ এনেবোৰ মিছা-মিছি কথা
উলিয়ালে কোনো বলিয়াই।
যিবোৰ কালিকা লগা, লগ ভাগ লই
ভ্ৰমিছিলোঁ সেইবোৰ ঠাই।
আজি কালি তেনেবোৰ ঠাইলৈ মোৰ
নিলগতে দেখি লাগে ভয়,
তাহানিৰ কথাবোৰ পৰেহি মনত
কল্পনাই কিবা-কিবি কয়।
ওপজে পৱিত্ৰ ভাব মনৰ মাজত
ষ’তে পৰে চকু ত’তে ৰয়!
⸻
ঠাইৰ গুণ।
যিখনি থানত চলি আছে বহু দিন
হৰিনাম সংকীৰ্ত্তন সকলো পৰত,
কিবা যেন ভাল লাগে—হৰিৰ নামেৰে
দশোদিশ পৰিপূৰ্ণ তাৰ বতাহত।
