এই পৃষ্ঠাটোৰ বৈধকৰণ হৈছে
৫৭
যখিনী।
তেনে যদি কৰা তুমি দুখৰ বেলিকা
স্বপ্ন বুলি ভাবিব পাৰিবা,
দুখৰ বোজাত তেহে নপৰা ভাগৰি,
হাত তেহে দুখৰ সাৰিবা।
⸻
যখিনী।
নিশা অকলই নুফুৰিবা গই
সেই জুপি গছৰ তলত
সদাই সন্ধিয়া তাতে থাকে আহি
কিবা প্ৰাণী নিশাৰ পৰত;
দেখিলে মনত ভয় লাগি যায়,
হাত ভৰি মোৰ পেটতে লুকায়,
ছয়াঁ-ময়া কৰি মাথোঁ দেখা পায়,
দেখা পালে মিলে বতাহত।
ছোৱালী একোটি দেখা যেন পাবা
নাচে গায় আনন্দ মনত,
হাতৰ চাপৰি একে লগে মাৰে
শাৰী পাতি চাৰিউ পিনত;
