এই পৃষ্ঠাটোৰ বৈধকৰণ হৈছে
৪৩
কাম।
কাম।
কৰিম কৰিব লগা
উচিত বিধান মতে,
কৰিম যিমান পাৰোঁ
শক্তিয়ে যিমানে আঁটে;
একোৰে নহওঁ বশ
নিৰপেক্ষ ভাবে মই
কৰ্ত্তব্য সাধোঁতে যাম
আগবাঢ়ি আগলই।
যিবোৰ কামৰ পৰা
দুখকেহে দেখা পাওঁ,
সিহঁতেও হিত সাধে
যদি আমি ভাবি চাওঁ।
নুবুজোঁ আমাৰ মাজে
বলিছে কিহৰ সোঁত,
কোন আমি, কি কাৰণে
পিন্ধিছোঁ মাটিৰ মোট।
যিবোৰ কৰিছোঁ আমি
সকলো লোকৰ কাম,
যেতিয়া সমাধা হ’ব
আপুনি আঁতৰি যাম।
