পৃষ্ঠা:নিবেদন.djvu/৪২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৩৬
নিবেদন।

পুণ্যৰাজ্য।

পৃথিবীত যদি থাকিব খুজিছাঁ
 সত্যৰ আশ্ৰয় লোৱাঁ,
অসাৰ অসত্য কাতি কৰি থৈ
 সত্যৰ মহিমা গোৱাঁ।

ধৰ্ম্মৰ বাটত ফুৰিবাঁ-চাকিবাঁ
 খোজে পতি ৰাখি চিন,
অধৰ্ম্মৰ ৰাজ্য বতাহৰ লাৰু
 নেথাকে বহুত দিন।

সকলোকে তুমি সমান চকুৰে
 সমান ভাবেৰে চাবা,
তেহে সকলোৰে সমান মৰম
 সমান ভাবেৰে পাবা।

কব লগা কথা মনত লুকাই
 নুভুলাবা মিছা কই,
নেভাবিবা তুমি দিছে জিভা খনি।
 মাথোঁ ফাঁকি দিবলই।