এই পৃষ্ঠাটোৰ বৈধকৰণ হৈছে
৩৩
সাঁথৰ।
সাঁথৰ।
এই কাষ্ঠা এৰিলেই পামনে তোমাক
নাই পৰা নিৰ্ণয় কৰিব,⸺
হয়তো বহুত খোপ উঠিলেহে আৰু
লগ মই পাৰিম ধৰিব।
যিটি বাট খোপ খোপ তাৰ ঠিক নাই,
পাৰে ভৰি পিছলি আখিৰ;
উঠা বাট কেবাবাৰো হয়তো লাগিব
ঘূৰি ঘূৰি আকউ উঠিব।
ভাবিছোঁ ইমান মই, শেষ ইমানতে
ৱ্তমাৰ বিৰহ বেদনাৰ,
লাগিব মনত দুথ ইয়াৰ পিচতে
লগ যদি নেপাওঁ তোমাৰ।
পাপত প্ৰবৃত্তি কিয় হয় মানুহৰ,
কিয় তুমি ঢিলোৱা এৰাল,
পৰীক্ষানো কৰা কিয়,নকৰিও তুমি
জানা দেখোঁ কোন বেয়া ভাল?
দেখিছোঁ নোপোৱা ভাল থিৰ মানুহক,
বলিয়াহে ঠিক লগৰীয়া;
নহলে কিয়নো এনে সাঁথৰ সাজিছা
হয় য’ত মানুহ বলিয়া?
৩
