এই পৃষ্ঠাটোৰ বৈধকৰণ হৈছে
২৯
প্ৰাৰ্থনা
মিছা সেই কথা,—জগত্-পিতাৰ
নহয় বহুত ঘৰ,
একেটি মাথোন দেৱৰ মন্দিৰ
ঘৰ সেয়ে জগতৰ,—
চাল খনি তাৰ আকাশতে আছে,
চাকি চন্দ্ৰ, সূৰ্য্য, তৰা,
বতাহে সদাই তাপ আঁতৰায়,
ঘাঁহেৰে আসন পৰা।
⸻
প্ৰাৰ্থনা।
সকলোৱে মিলি পুৱা বা গধূলি
নেলাগে মুখেৰে গাব,
তাল খোল লই নেলাগে বজাব,
নেলাগে দবা কোবাব;
বিশ্বৰ মাজত সদাই বাজিছে
বিভুৰ প্ৰাৰ্থনা গীত,
মিলি যোৱা তুমি তাৰ লগে লগে
সমৰ্পা আপোন চিত।
