পৃষ্ঠা:নিবেদন.djvu/৩৪

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
২৮
নিবেদন।



মন্দিৰ।

নামঘৰ বুলি বহুত মানুহে
 সাজিছে বহুত ঘৰ,
বহুতে আকউ বুলিছে মজিদ্‌
 ঘৰক সিবিলাকৰ,
গিৰ্‌ জা, সমাজ, বিবিধ নামেৰে
 বিবিধ মানুহে সাজে,
সকলো সমান, সকলো ঘৰেই
 অভেদ নামৰ বাজে।



গধূলি বেলিকা শাৰী শাৰী কৰি
 লগাই বিবিধ চাকি,
বহিবৰ বাবে বিবিধ আসনে
 পেলায় ভিতৰ ঢাকি,
জহকালি তাত বিচনীৰ বাত
 শীতল গোটেই ঘৰ,—
পৰিচয় দিয়ে সেই ঘৰবোৰ
 মন্দিৰ বিশ্বদেৱৰ।