এই পৃষ্ঠাটোৰ বৈধকৰণ হৈছে
৯
সঙ্গিহীন।
এটিয়ে যেতিয়া ৰুণ দিব উলাহেৰে
সিটিয়ে ৰঙ্গেৰে থাকে চাই,
দুয়োটিয়ে মিলিজুলি চোতালত পৰা
খুদ কণ খুঁটি খুঁটি খায়।
কোনোটিক হাত মেলি ধৰিব খুজিলে
লৰ মাৰি আঁতৰে তেতিয়া,
ইটিয়েও উৰা মাৰি তাৰ লগ লয়
নেৰি তাক অকলশৰীয়া।
এদিন জাৰৰ নিশা সজাত থাকোতে
তাৰে এটি ঠেৰেঙ্গা লাগিল,
ৰাতিপুৱা নহা দেখি মানুহে চালত
দেখে তাৰ জীৱ আঁতৰিল।
ইটিও আছিল তাৰ ওচৰতে ৰই
হাত নিলে খোঁট মাৰি দিয়ে,
সজা এৰি সেই দিনা বাহিৰ নোলাল,
টোপ দিলে মুখত নিদিয়ে।
⸻
