পৃষ্ঠা:নিবেদন.djvu/১০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
নিবেদন

নেজানো আছেনে নাই আৰু ক’ৰবাত
 দ্বিতীয় জনম কিবা এটি,—
য’ত গই লগ পাম সুখতো দুখতো
 ভাল পোৱা মোৰ সকলোটি;
ভাল পাওঁ মই কাকো, কোনোৱে আকউ
 ধৰি আছে মোকেহে সাবটি।

দুয়োদলে দুখ পাম এৰা এৰি হ’লে,
 কি জানিবা ইয়াৰ পিচত
আৰু ক’তো দেখা দেখি হওঁনে নহওঁ
 ভাবি চাব নোৱাৰো মনত,
কেনেকৈ যমে মোক লৈ যাব পাৰে
 আছোঁ মই মৰম-পাশত।

স্নেহ।

শাস্ত্ৰই শিকায় বোলে গাইগোটা আমি,
 স্নেহ মাথোঁ ৰচনা মায়াৰ,
পুত্ৰ পৰিয়াল মিছা, মিছাৰ কল্পনা,
 আঁতৰিলে কোন হ’ব কাৰ?