পৃষ্ঠা:নামতী-আই.djvu/২৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
﴾ ২৫ ﴿

আইদেওৰ চুলি টাৰ
মেঘতকৈ অৱতাৰ
বংশী বদনৰ চুলি কি ৰাম ৰাম।
পধূলিৰ মূৰতে
তামোল তিনি জুপি
তাৰ মাঝে তৰিছে তাঁত কি ৰাম ৰাম।
মাকোৰ ঘিত্, ঘিতনি
গাম খাৰুৰ বাজনি
নুশুনো আইদেওৰ মাত কি ৰাম ৰাম।
শৰায়ে শাৰায়ে
কাঞ্চন ফুল গাঠিছে
আইদেওৰ খোপালৈ চাই কি ৰাম ৰাম।
সেউতী নিপিন্ধে
মালতী নিপিন্ধে
পিন্ধিব খৰিকা জাঁই কি ৰাম নাম।
বৰ ছৰাৰ মুখতে
পাৰৰ টঙ্গি দিলে
পাখিয়ে ধপে ধপাই কি ৰাম ৰাম।
একাঠু তুলিতে
আইদেউ বহিছে
মাটি ভকে ভকাই কি ৰাম ৰাম।
আইদেওৰ কপালে
পাতিদৈ নেপালে
ই ৰাজ্যত নেপালে দৰা কি ৰাম ৰাম।