এই পৃষ্ঠাটোৰ বৈধকৰণ হৈছে
৫৭
—নামতি—
সতেক ভগিনী মোৰ গিয়াছেন যজ্ঞে
নেদেখি মোক মাৱে পথ চাই আছে॥
যত কয় সতী শিৱক নিদিয়ে আদেশ
ক্ৰোধে সতী হৈলা কালী ভয়ঙ্কৰ বেশ।
মুক্তকেশী মহামেঘ বৰণা দন্তৰা
শবাৰুঢ়া কৰকাঞ্চী শববৰ্ণ পুৰা॥
গলিত ৰুধিৰ ধাৰা মুণ্ডমালা গলে
গলিত ৰুধিৰ কৰি মুণ্ড বাম কৰতলে॥
আৰ বাম কৰেতে কৃপান খৰশান
দুই ভুজে দক্ষিণে অভয় দান॥
লোল জিহ্বা ৰক্ত ধাৰা মুখৰ দুপাশে
ত্ৰিনয়ন অৰ্দ্ধচন্দ্ৰ ললাটে বিনাশে॥
দেখি ভয়ে মহাদেৱ ফিৰাইল মুখ
তাৰা ৰূপ ধৰি সতী হইলা সন্মুখ॥
নিলা বৰ্ণ লোল জিহ্বা কৰাল বদনা
সৰ্প বান্ধা উৰ্দ্ধ এক জটা বিভূষনা॥
অৰ্দ্ধচন্দ্ৰ পাচখানি শোভিত কপাল
ত্ৰিনয়ন লম্বোদৰ পৰা বাঘ ছাল॥
নীলাপদ্ম খণি কাটি সমুণ্ড সৰ্পৰ
চাৰি হাতে শোভে আৰোহণ শিৰোপৰ॥
