পৃষ্ঠা:নগা কোঁৱৰ.djvu/৭৮

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
৬৮
[ ২য় অঙ্ক
নগা কোঁৱৰ

 বৰবৰুৱা—অৱশ্যে জাপ দিমহঁক।
 ডেকাফুকন—আজ্ঞা দিয়ক স্বৰ্গদেও। আজ্ঞা দিয়ক ডাঙৰীয়া সকল!
 পানীফুকন—দেশৰ শান্তিভঙ্গকাৰীহঁতক সমুচিত শিক্ষা দিবৰ কাৰণে আমি প্ৰাণ দিবলৈকো প্ৰস্তুত।
 খেলুং—বখানো বিষয়া সকল আপোনালোকৰ সজ ইচ্ছা। বৰ্তমান ক্ষেত্ৰত আমি অতি সতৰ্ক হৈ চলিব লাগিব, ব্যস্ত হলে নহব। এতিয়াই আমাৰ প্ৰত্যেক কৰ্তব্য নিৰ্ধাৰিত হব। বৰগোহাঞী ডাঙৰীয়াৰ ইচ্ছা আহোমৰ ছাউনী কলিয়াবৰৰ ওচৰতে হওক। মোৰ সেয়ে ইচ্ছা।
 চুহু—ডাঙৰীয়াৰ ইচ্ছাই আমাৰ ইচ্ছা।
 খেনলুং—তাত কিন্তু ৰছদৰ ব্য্স্থাব এবছৰৰ কাৰণে থাকিব লাগিব। শদীয়াখোৱা গোহাঞীলৈ আজিয়েই বতৰা দিব লাগিব ত’ত তিনিহেজাৰ কাঁড়ী সৈন্য ছমাহৰ ৰছদে সৈতে যোগাৰ দিব লাগিব।
 চাও—সজ! সজ!
 খেলুং—পানীফুকনক আজ্ঞা দিব লাগে স্বৰ্গদেও—এশ চৰানাও প্ৰত্যেকত আঢ়ৈকুড়িকৈ সৈন্য লৈ কালিলৈ কলিয়াবৰলৈ যাত্ৰা কৰক। ছাউনী নহয়গৈ মানে নাৱতে সকলো থাকিব।
 চুহু—বুঢ়া গোহাঞী ডাঙৰীয়া বৃদ্ধ বিচক্ষণ তেখেতৰ ইচ্ছাই মোৰ ইচ্ছ। বিষয়া ডাঙৰীয়া সকলে মোৰ আজ্ঞালৈ