পৃষ্ঠা:নগা কোঁৱৰ.djvu/২৩৪

ৱিকিউৎসৰ পৰা
Jump to navigation Jump to search
এই পৃষ্ঠাটোৰ বৈধকৰণ কৰা হৈছে
২২৪
নগা কোঁৱৰ

দিলা যি মৰ্ত্ত্যকদান
মোহিলা বন্ধুৰ হিয়া
বিলালা অমিয়া!
যি গানৰ যি প্ৰাণৰ
মহা ব্যাকুলতা
কৰুণ কাহিনী কথা
 যুগ যুগ ধৰি আজি
 বিশ্বত উঠিছে বাজি
 চৰাইৰ মাতৰে পৰা
 মানুহৰ হৃদয় ৰাগ ছয়ত্ৰিশ ৰাগিণী—
অখণ্ড সোঁতৰ তুলি মহাতঙ্গিনী
 পালা কি সন্ধান আজি
 উৎস ক’ত তাৰ?
 লভিলা কি সঙ্গ সেই
 সিন্ধুৰ অপাৰ?