এই পৃষ্ঠাটোৰ বৈধকৰণ হৈছে
৪৯
নক্সা।
( ১৪ )
বিদেশী বাদ্যৰ মোহন ধ্বনিয়ে
প্ৰভাতী সঙ্গীত ঘোষণা কৰে
বাৰ সুৰ শুনি ‘ধৰ্ম্ম গুৰুৰাজ’
শয্যা এৰি মোহ-নিদ্ৰা পাহৰে।
( ১৫ )
চৌদোলত চড়ি নগৰ পৰ্য্যটে
‘বেইন’ বাদকে মঙ্গল গায়
‘ল্যাভেণ্ডাৰ’ আদি ‘এচেন্স’ ছটিয়াই
প্ৰিয় সঙ্গীদল চৌদিকে যায়।
( ১৬ )
নাই গুৰু-শিষ্য পূৰ্ব্বৰ সম্বন্ধ
স্বৰগ মৰতে অনেক দূৰ,
ধৰ্ম্ম-সত্ৰ আজি নৱভাব লৈ।
বিলাস সাগৰত মাৰিছে বুৰ।
( ১৭ )
নাই গুৰু প্ৰতি ভকত বৃন্দৰো
তাহানিৰ সেই ভকতি প্ৰীতি
শুনি মাজে মাজে উভয়ৰে দ্বন্দ
আছো আজি আমি ভয়তে ভীতি।
