পৃষ্ঠা:নক্সা.djvu/৩৪

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
২৪
নক্সা।

নৰ পক্ষী।


মানুহ আৰু বনৰ চৰাইত
 সমান ভাবে পাওঁ
সুবিধালৈ আজৰি পৰত
 কথাষাৰ ৰিজাই চাওঁ।
সকলো কথাৰ লগতে যেন
 শুনো চৰাইৰ গান
কাৰো কণ্ঠৰ অমিয় সুৰত
 জুৰায় সংসাৰী-প্ৰাণ।
কাৰো কণ্ঠৰ ‘কুউ' ৰৱত
 সুখ-বসন্ত আহি
জীৱন ফুলণিৰ প্ৰতি ফুল গছে
 মাৰেহি মিচিকি হাঁহি।
কাৰো কণ্ঠৰ সুৰে হৃদয়ৰ
 বিৰহ অগণি জ্বালে
কোনোৱে তাত অতীত স্মৃতিৰ
 বিষাদ আহুতি ঢালে।
কাৰো বা আকৌ সুৰ শুনিয়ে
 খঙতে অধীৰ হৈ,
দূৰ দূৰ কৈ দূৰতে তাক
 দিওঁ আতঁৰ কৈ।