এই পৃষ্ঠাটোৰ বৈধকৰণ হৈছে
২২
নক্সা৷
(৩ )
কতো তুমি ‘মূটিয়া’ ‘কুলী’
কতো চাকৰ গৃহস্থৰ
কতো ‘চৰ্দ্দাৰ' পাগুড়ী মুৰত
হাজিৰ মনিবৰ বৰাবৰ।
( ৪ )
কতো ৰাস্তাৰ ‘কুলী-মহৰী’
কতো সাজিছা ‘ঠিকাদাৰ’
কতো ‘দালান’ ‘বাঢ়ৈ’ ‘মুদৈ’
সকলো কামতে হুচিয়াৰ!
( ৫ )
কতো তুমি ‘বেহাৰা’ সাজি
পাল্কী কাঁধত লৈছা বাট,
কতো ৰান্ধনী ঠাকুৰটি হৈ
‘বাবুৰ’ পাতত দিছা ভাত।
(৬)
কতো বা লৈছা তীৰ্থ-যাত্ৰী
বুজাই তীৰ্থ যাত্ৰাৰ ফল
পূজাৰ ‘ফৰ্দ্দত’ কৰিছা আদায়
লগত যি পোৱা তাৰ সম্বল।
