এই পৃষ্ঠাটোৰ বৈধকৰণ হৈছে
১৯
নক্সা।
( ১৩ )
তত্ব পালোঁ চোৰৰ বাহাণি
আতৈৰ বাঁহাত পৰিছে ধৰা,
পুলিচে ভু-পাই, সকলো উলিয়াই
বাপুৰ হাতত লগাইছে ‘কড়া।'
( ১৪ )
আৰু যে কিমান কেলেঙ্কাৰী
আছিল বাপুৰ ভিতৰুৱা
সোপায়ে তেনেই পৰিছে ওলাই
শুনোতেই পাপ এনেকুৱা!
(১৫ )
ওচৰতেই ‘দাৰোগা বাবু
ঠিয় দি চকু ৰঙাকৈ
যেনে ইচ্ছা সঁপিছে গালি
খঙতে তেনে অধীৰ হৈ।
( ১৬ )
আতৈৰ চেহাৰা বিগৰি গৈছে
আছে তললৈ ধিয়ান ধৰি
দুৰ্গতি দেখি সাহত ভিৰ্ দি
মাতিলো দাৰোগাক বিনয় কৰি :-
