পৃষ্ঠা:নক্সা.djvu/১৭

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
নক্সা


( ২ )


বাট-পথৰ নাই আদিঅন্ত
 পকি দালান শাৰী শাৰী,
নিচিনিলে ইঁৰাজী অঙ্ক
 কাৰোয়ে নাপায় ঘৰ-বাৰী

(৩)


ঠাইতে বজাৰ, ঠাইতে হাট,
 দোকান পহাৰৰ লেখে নাই,
‘পান’ চিগাৰেট’ ‘বিড়ী’ ‘দীয়াশালাই’
 যতে যাবা ততে পায়।

( ৪ )


‘বৰফ’ ‘চৰ্ বত্’ ‘চাঁহ’ ‘ৰুটিও’
 যিহকে ইচ্ছা তাকেই পাবা,
‘পোলাও’ ‘কালিয়া’ ‘কোৰ্ম্মা’ ‘কোপ্তা’
 ধনভাঙি পেট পুৰাই খাবা।

( ৫ )


চহৰ ঘুৰি ‘পূৰীৰ-মেলা’
 খোৱা থকাৰ নাই বিচাৰ
বেচ দিলেই খাৰ শুবলৈ
 পাবা ‘হোটেলত’ নাই নিকাৰ!