এই পৃষ্ঠাটোৰ বৈধকৰণ হৈছে
দেৱধ্বনি
(৮২)
মোৰ, লৰালি-লগৰে বীণ,
মোৰ, ওপজা কালৰে চিন!
কাহানিও তোৰ বিনন্দীয়া সুৰ
হোৱাতো নাছিল ক্ষীণ।
আজি কি পাপৰ শান্তি বিহিলি,—
কিবা ৰোহ ধৰি মোকে তেজিলি—?
নিদানৰ মাত’ষাৰো নিদিলি,—
কৰিলি কি নিঃকিন
শুকালি সুৰৰ সিন্ধু,
লুকালি অৰুণ ইন্দু,
অশ্বস্তিৰ শুকান মৰু
মেলিলি তৃপ্তিহীন;—
কবিৰো ৰুধিলি কণ্ঠ,
ডুবালি সকলো ছন্দ,
আনিলি কি নিৰানন্দ—
গীতি গন্ধ জ্যোতিহীন!
শাওন, ১৮৪৯ শক]
