এই পৃষ্ঠাটোৰ বৈধকৰণ হৈছে
৭৪
দেৱজিত।
বজ্ৰবেগ ৰণত পৰিল যেবে অতি।
বিষাদ কৰিলা পাচে দেৱ সুৰপতি॥
বাসৱ বদতি শুনা দিগপাল গণ।
দেখা কেনমতে কৰে ধনঞ্জয়ে ৰণ॥৩৪৩
অৰ্জ্জুনৰ দেৱতা নভৈলা কেহোঁ সম।
ধিক ধিক দেৱতাৰ দিগপাল নাম॥
এহিমতে ইন্দ্ৰদেৱে কৰিলা ধিক্কাৰ।
ইন্দ্ৰৰ ধিক্কাৰে দেৱতাৰ চমৎকাৰ॥৩৪৪
ইন্দ্ৰৰ নিন্দাত চন্দ্ৰৰ ক্ৰোধ বৰ টান।
ত্ৰিদশক চাই পাচে বুলিলা বচন॥
ত্ৰিদশ অযুত কোটি শুনা দেৱগণ।
সবে আসা যাই অৰ্জ্জুনক কৰোঁ ৰণ॥৩৪৫
ইন্দ্ৰৰ বচনে দেৱগণ গৈলা ধাই।
অৰ্জ্জুনক মাৰি সবে ভাঙ্গোঁ মুনি সাই॥
চন্দ্ৰ যে বদতি শুনা দিগপালচয়।
অৰ্জ্জুনক ঘোৰ ৰণ কৰোঁ আজি ময়॥৩৪৬
এহি বুলি চন্দ্ৰে ক্ৰোধে অৰ্জ্জুনক ধাইলা।
দিব্য শৰ হানি চন্দ্ৰে অৰ্জ্জুনক চাইলা॥
আৰু চন্দ্ৰ হানিলন্ত ব্ৰহ্মদত্ত শৰ।
যাক দেখি দৈত্য দানৱৰ ভৈলা ডৰ॥৩৪৭
শৰ বহি আসন্তে দেখিলা ধনঞ্জয়।
দশোদিশ যুৰিয়া আসন্ত শৰচয়॥
