এই পৃষ্ঠাটোৰ বৈধকৰণ হৈছে
১৪৩
দেৱজিত।
অক্ষয় দুই তূণ বৰ।
পিঠি পাচে লৈলা হৰ॥
শেল শক্তি মুদগৰ।
লৈলা দেৱ মহেশ্বৰ॥৬৯২
বৃষভত উঠি হৰ।
ক্ৰোধ কৰি গুৰুতৰ॥
যুদ্ধক চলিয়া যায়।
সবে দেৱে আছে চাই॥৬৯৩
ৰঙ্গ হুয়া দেৱগণ।
জয় জয় ত্ৰিনয়ন।
এহি বুলি দেৱ চয়।
ৰুদ্ৰক আবৰি যাই॥৬৯৪
জয় জয় ৰুদ্ৰ বুলি।
দেৱগণ যাই চলি॥
ঝুমুৰি মাধৱে ভণে।
ৰাম বোলা ঘনে ঘনে॥৬৯৫
পদ।
বৈশম্পায়ন বদতি শুনা নৰেশ্বৰ।
অৰ্জ্জুনক ধৰে পাচে দিলন্ত শঙ্কৰ॥
প্ৰলয়ত যেন ৰুদ্ৰৰূপ ভৈলা হৰ।
তিনিয়ো জগত যেন কৰয় সংহাৰ॥৬৯৬
