এই পৃষ্ঠাটোৰ বৈধকৰণ হৈছে
১৪২
দেৱজিত।
কৃষ্ণৰ ৰাখিবো প্ৰাণ।
খেদি দিবো নিজ থান॥৬৮৬
দেৱতাৰ আগে হৰ।
কৰি বৰ অঙ্গীকাৰ॥
শুনিয়ো প্ৰতিজ্ঞা মোৰ।
তুমি দেৱ পুৰন্দৰ॥৬৮৭
অৰ্জ্জুনক মাৰি মই।
তোমাৰ খণ্ডিবো ভয়॥
কুবেৰ ভাণ্ডাৰী মোৰ।
মাৰিলন্ত দামোদৰ॥৬৮৮
অৰ্জ্জুনে মাৰিবে পাৰে।
শুনা দেৱ নিৰন্তৰে॥
আৰ কি কৰিবে মোক।
কুবেৰ মাৰি দিলা শোক॥৬৮৯
এহি বুলি মহেশ্বৰ।
ক্ৰোধে জ্বলি গৈলা বৰ॥
বহ্নি যেন প্ৰলয়ৰ।
সেহি মত ভৈলা হৰ॥৬৯০
পিনাকক ধৰি হৰে।
চলিলন্ত চমৎকাৰে॥
বাঘ-চাল হৰে আনি।
সৰ্প বান্ধিলন্ত টানি॥৬৯১
