এই পৃষ্ঠাটোৰ বৈধকৰণ হৈছে
( ৮৪ )
এহি জ্যোতিৰ্ব্বেদ অনন্ত কলৰ
কৈলা পিতৃ সঙ্কৰ্ষণে।
তেহে বিভাগিয়া আমাক দিলন্ত
লৈলো মঞিঁ ৰঙ্গমনে॥ ৮৭১
বিষ্ণু শৰ্ম্মা মাত্ৰ ইহাক জানিলা
ঈশ্বৰ দায় মিলিলা।
সেহিসে কাৰণে তাসম্বাৰ জানা
সূৰ্য্যবিপ্ৰ নাম দিলা॥ ৮৭২
কহিলোহো জ্যোতি শাস্ত্ৰৰ নিয়ম
শুনা বেদ বাহ্ৰ খান।
যিবা যাক গাৱে কহো তাক ভাৱে
যাহাক যিবা প্ৰধান॥ ৮৭৩
মঞিঁ ব্ৰহ্মা বিষ্ণু আদি তিনি জনে
তিনি খান মুক্ষ কৈলা।
শ্যাম ঋগ যজুৰ অথৰ্ব্ব বেদেসে
ত্ৰিভূবন জুৰি থৈলা॥ ৮৭৪
কিন্নৰে চাৰণে পুৰ বেদ স্মাৰে
গচ্ছন্তি গাৱে গন্ধৰ্ব্বে।
ৰক্ষাৰ বেদক অহো ৰাত্ৰে দেখা
গাৱে যত যক্ষ সবে॥ ৮৭৫
মধ্যমা বেদক সিদ্ধ সবে গাৱে
ভেদাভেদ কৰি মতি।
এহি আঠ খান বেদৰ কাহিনী
শুনিলা দেবি পাৰ্ব্বতী॥ ৮৭৬
